Solicitude de inicio da tramitación urbanística e da avaliación ambiental estratéxica de modificación puntual substancial de planeamento xeral, salvo para as modificacións puntuais que teñan por obxecto a delimitación do solo de núcleo rural de acordo co establecido nos artigos 83.7 e 23 da Lei 2/2016 do solo de Galicia (formulario UR301B).

Calquera modificación do planeamento urbanístico deberá fundamentarse en razóns de interese público debidamente xustificadas.

A alteración das determinacións do planeamento xeral considérase unha modificación puntual sempre que non supoña unha revisión do planeamento xeral pola adopción de novos criterios respecto da estrutura xeral e orgánica do territorio ou da clasificación do solo, motivada pola elección dun modelo territorial distinto, pola aparición de causas sobrevidas, de carácter demográfico ou económico, que incidan substancialmente sobre a ordenación, ou polo esgotamento da súa capacidade.

Entidades locais.

Solicitudes

As solicitudes presentaranse por vía electrónica a través do formulario normalizado (anexo III, procedemento UR301A) dispoñible na sede electrónica da Xunta de Galicia (https://sede.xunta.gal).

De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas obrigadas á presentación electrónica presenta a súa solicitude presencialmente, requiriráselle para que a emende a través da súa presentación electrónica. Para estes efectos, considerarase como data de presentación da solicitude aquela na que fose realizada a emenda.

Para a presentación electrónica de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuaria/o clave Chave 365 (https://sede.xunta.gal/chave365).

Documentación para a presentación

• Solicitude segundo o anexo III

• Borrador do documento de planeamento en formato dixital non editable (PDF).

• Borrador do documento de planeamento en formato dixital editable.

• Pegadas dixitais do documento de planeamento nos seus dous formatos.

• Declaración responsable segundo o modelo do anexo 9 das Normas técnicas de planeamento urbanístico de Galicia, que se pode descargar no Portal Territorio e Urbanismo da Xunta de Galicia:

  https://territorioeurbanismo.xunta.gal/gl/normativa/normas-tecnicas-de-planeamento-urbanistico

• Documento ambiental estratéxico co contido mínimo que sinala o artigo 18.1 (AAE Ordinaria) ou 29.1 (AAE Simplificada) da Lei 21/2013, de avaliación ambiental, que irá incluído na estrutura de carpetas do documento de planeamento urbanístico segundo o regulado no anexo 4 das Normas técnicas de planeamento urbanístico de Galicia.

• Información das empresas ou entidades titulares dos sistemas de infraestruturas de servizos, ao abeiro do artigo 144.4 do Regulamento da Lei do solo de Galicia.

• Outra documentación (especificar)

Trámites posteriores á presentación das solicitudes

Todos os trámites administrativos que as entidades locais interesadas deban realizar tras a presentación da solicitude deberán ser efectuados electronicamente accedendo á Carpeta cidadá da persoa interesada dispoñible na sede electrónica da Xunta de Galicia.

Prazo de resolución:

A tramitación da modificación puntual do planeamento xeral consta de varias fases nas que intervén a administración autonómica, polo que non existe un prazo de resolución global para a totalidade da tramitación do instrumento.

O procedemento atópase regulado no artigo 60 da Lei 2/2016, do 10 de febreiro, do solo de Galicia e 144 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro.

Sentido do silencio:

A tramitación da modificación puntual do planeamento xeral consta de varias fases nas que intervén a administración autonómica, polo que non existe un sentido do silencio para a totalidade da tramitación do instrumento.

O procedemento atópase regulado no artigo 60 da Lei 2/2016, do 10 de febreiro, do solo de Galicia e 144 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro.