O/a empresario/a turístico/a que pretenda desenvolver a actividade de aloxamento turístico nas modalidades de vivendas turísticas, deberá presentar ante a Área Provincial da Axencia Turismo de Galicia na que radique o establecemento, unha declaración responsable, na que manifeste o cumprimento dos requisitos previstos na normativa turística para a clasificación pretendida e o compromiso de mantelos durante o tempo de vixencia da actividade, mediante o modelo normalizado previsto no anexo IV.

Cumprir os requisitos establecidos pola normativa vixente.

• Clasificación e calquera tipo de cambio ou reforma substancial respecto das condicións nas que fose outorgada a clasificación de establecementos hoteleiros e extrahoteleiros, apartamentos turísticos, vivendas turísticas, vivendas de uso turístico, albergues turísticos e turismo rural. ( 31.19.01)
• Venda de libros oficiais de Levanza Obrigatoria que non teñan tarifa específica. ( 33.01.00)
• Dilixenciado de libros. ( 30.01.00)

Pode realizar o pago destas taxas na Oficina Virtual Tributaria.

• Declaración responsable segundo o Anexo IV.

• Memoria que describa e xustifique os requisitos recollidos no decreto referidos a superficies, infraestruturas e servizos mínimos, así como planos acoutados a escala mínima de 1:100 da distribución de plantas e de sección.

• Solicitude de dispensa de conformidade co disposto no artigo 48 da Lei 7/2011, do 27 de outubro, se é o caso, e documentación acreditativa para o efecto.

• Acreditación do pagamento das taxas correspondentes.

• As declaracións reponsables presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal.

• A documentación complementaria presentarase preferiblemente por vía electrónica. As persoas interesadas responsabilizaranse da veracidade dos documentos que presenten. Excepcionalmente, a Administración poderá requirir a exhibición do documento orixinal para o cotexo da copia electrónica presentada.

• Inicio
• Documento de solicitude

Prazo de resolución: Tres meses

Sentido do silencio: Positivo