Orientámolo/a, paso a paso, para presentar unha solicitude no rexistro electrónico
TR341E - Programa de creación ou ampliación do cadro de persoal de centros especiais de emprego.
Convocatoria 2017
Prazo pechado: 05/10/2017 00:00 - 10/11/2017 23:59
Prazo pechado: 05/10/2017 00:00 - 10/11/2017 23:59Obxecto
Esta orde ten por obxecto fixar as bases reguladoras e a convocatoria plurianual das subvencións a CEE, establecidas pola Consellería de Economía, Emprego e Industria, co fin de garantir a empregabilidade das persoas con discapacidade, a través do seguinte programa:
- Programa II: programa de axudas á creación, ampliación, mantemento e adaptación de postos de traballo nos CEE, regulado no capítulo III.
O obxecto deste programa é incentivar a creación, ampliación e mantemento de emprego nos CEE mediante o financiamento parcial de iniciativas ou proxectos técnica, económica e financeiramente viables que xeren emprego estable, para traballadores e traballadoras con discapacidade.
A quen vai dirixido?
1. Poderán ser beneficiarios das subvencións que se regulan nesta orde os CEE que, na data da solicitude da subvención, figuren inscritos como tales no Rexistro Administrativo de Centros Especiais de Emprego de Galicia, de acordo co disposto no Decreto 200/2005, do 7 de xullo, polo que se regula a autorización administrativa e a inscrición no Rexistro Administrativo de Centros Especiais de Emprego de Galicia, e a súa organización e funcionamento (DOG núm. 138, do 19 de xullo), e sempre que se cumpran as condicións e os requisitos establecidos para cada tipo de axuda nos capítulos II a IV desta orde.
2. Non poderán obter a condición de beneficiarios os CEE en que concorra algunha das circunstancias previstas nos números 2 e 3 do artigo 10 da Lei 9/2007, do 13 de xuño.
3. Tampouco poderán obter a condición de beneficiarios os CEE solicitantes que estean excluídos do acceso aos beneficios derivados da aplicación dos programas de emprego, conforme o disposto nos artigos 46 e 46 bis do texto refundido da Lei de infraccións e sancións na orde social, aprobado polo Real decreto lexislativo 5/2000, do 4 de agosto.
4. A xustificación por parte dos CEE solicitantes de non estar incursos nas prohibicións contidas nos números 2 e 3 anteriores para obteren a condición de beneficiarios realizarase mediante declaración responsable no anexo de solicitude de cada tipo de axuda.
Requisitos
a) Destinar a subvención ao plan de investimento polo que se concedeu a axuda. No caso de que se dea un destino distinto ás axudas concedidas procederá o reintegro do 100 % da subvención concedida.
b) Manter os postos de traballo creados con carácter indefinido un mínimo de 2 anos. No caso de cesamentos da actividade laboral por baixa voluntaria da persoa traballadora ou despedimento procedente, deberá substituírse a vacante polo tempo que reste ata completar os dous anos. De non facelo procederá o reintegro da parte proporcional. A substitución farase nun prazo máximo de 3 meses e deberá comunicarse ao órgano xestor da axuda.
c) O despedimento improcedente das persoas traballadoras obxecto de subvención antes de que transcorran dous anos dará lugar ao reintegro do 100 % da axuda.
d) Para os efectos do seguimento da estabilidade no emprego o CEE deberá presentar na Secretaría Xeral de Emprego, nos meses de decembro dos dous anos seguintes á concesión de axudas a relación nominal das persoas traballadoras (RNT) incluídas na cotización á Seguridade Social e recibo de liquidación de cotizacións (RLC), así como os documentos bancarios de transferencia acreditativos do seu pagamento.
e) Dispoñer dos informes favorables da Inspección de Traballo, sobre a necesidade de adaptación ou de medios especiais de protección persoal e presentar declaración responsable do CEE de idoneidade do posto de traballo e compatibilidade coa discapacidade da persoa traballadora.
A onde acudir
Xunta de Galicia
Consellería de Promoción do Emprego e Igualdade
Secretaría Xeral de Apoio ao Emprego, Traballo Autónomo e Economía Social
Subdirección Xeral de Economía Social
Servizo de Fomento do Emprego en Economía Social
San Lázaro, s/n
15781 Santiago de Compostela (Coruña, A)
Teléfono: 981544716 / 981957727
Fax: 981544678
Email: secretaria-xeral.emprego@xunta.es
Órgano responsable
Secretaría Xeral de Apoio ao Emprego, Traballo Autónomo e Economía Social
Normativa
Ámbito Autonómico
Orde do 20 de setembro de 2017 pola que se establecen as bases reguladoras de axudas a centros especiais de emprego (CEE) co fin de promover a integración laboral das persoas con discapacidade, e se procede á súa convocatoria para as anualidades 2017-2018 (DOG nº 189 do 4 de outubro de 2017).
Corrección de erros. Orde do 20 de setembro de 2017 pola que se establecen as bases reguladoras de axudas a centros especiais de emprego (CEE) co fin de promover a integración laboral das persoas con discapacidade, e se procede á súa convocatoria para as anualidades 2017-2018 (DOG nº 210 do 6 de novembro de 2017).
Prazo
Prazo de presentación: PECHADO
05/10/2017 00:00 - 10/11/2017 23:59
O prazo de presentación de solicitudes será ata o 10 de novembro de 2017.
Documentación para a presentación
- Solicitude segundo o Anexo IV, acompañada da seguinte documentación:
- Memoria explicativa do obxecto da axuda e xustificación da súa necesidade.
- Memoria que recolla a titularidade do centro.
- Certificación da relación do cadro de persoal do CEE (segundo modelo anexo V).
- Contratos de traballo dos novos postos creados.
- Informe de datos para a cotización (IDC) da Tesouraría Xeral da Seguridade Social dos novos traballadores contratados.
- Facturas e, no caso de estaren efectivamente pagadas, o seu correspondente xustificante bancario de pagamento ou, na súa falta, facturas pro forma e orzamentos expedidos polos provedores ou acredores do gasto que se vai realizar.
- As 3 ofertas mencionadas no artigo 39.6 e a xustificación da súa elección, de ser o caso.
- Memoria e tres orzamentos aos que se refire o ártigo 39.7, de ser o caso.
- Consentimento para a comprobación de datos das persoas polas que se solicita a subvención (anexo XVI).
- Declaración responsable da ideonidade do posto (anexo XVII).
- No caso de actuar por medio de representante, poder suficiente da persoa representante e asinante da solicitude para actuar en nome da persoa ou entidade solicitante.
- Certificados de discapacidade das persoas traballadoras polas cales se solicita subvención, cando o certificado fose expedido por unha administración distinta á da Comunidade Autónoma de Galicia (artigo 5.1).
- No caso de que se dean as condicións indicadas no artigo 40.4.b:
- Anexo XII de declaración de composición da unidade familiar.
- Anexo XIII asinado polas persoas que compoñen a unidade familiar que se opoñan á consulta automática de datos.
- Libro de familia.
- Certificado de convivencia da unidade familiar.
- Documentación específica (artículo 42):
- a) Axuda para asistencia técnica.
- Memoria explicativa do contido da modalidade de asistencia solicitada, xustificación da súa necesidade e orzamento detallado do seu custo.
- Memoria da entidade e/ou curriculum vitae da persoa que vai prestar o servizo.
- Cando se trate de estudos ou de asesoramento, un índice do seu contido.
- b) Subvencións en función do investimento en activo fixo:
- Memoria ampliada do proxecto de creación ou ampliación do cadro de persoal e do investimento relacionado cos postos de traballo creados e antecedentes.
- Plan de investimentos en activos fixos e calendario de execución.
- Estudo económico-financeiro de viabilidade do proxecto.
- Balance e conta de perdas e ganancias dos dous últimos exercicios e provisionais para o exercicio corrente e os dous próximos.
- a) Axuda para asistencia técnica.
- Os documentos relacionados serán obxecto de consulta ás Administracións públicas. No caso de que as persoas interesadas se opoñan a esta consulta, deberán indicalo no cadro correspondente e achegar unha copia dos devanditos documentos:
- DNI ou NIE da persoa solicitante.
- DNI ou NIE da persoa representante.
- NIF do CEE solicitante.
- Certificación de estar ao día das súas obrigas coa Seguridade Social.
- Certificación de estar ao día coa Administración da Comunidade Autónoma de Galicia.
- Certificación de estar ao día das súas obrigas coa Axencia Estatal de Administración Tributaria.
Anexos asociados
- Sol. (Anexo IV)
- Declaración responsable da idoneidade do posto (Anexo XVII)
- Solicitude (Anexo IV)
- Comprobación de datos das persoas que compoñen a unidade familiar (Anexo XIII)
- Certificación da relación do cadro de persoal do CEE (Anexo V)
- Declaración responsable da composición da unidade familiar (Anexo XII)
Resolución
Prazo de resolución: Tres meses
Sentido do silencio: Negativo
Outras convocatorias ou publicacións
Procedementos e servizos relacionados
25/01/2023 00:00 - 29/09/2023 23:59 12/09/2023 00:00 - 11/10/2023 23:59 11/08/2018 00:00 - 10/09/2018 23:59 12/09/2023 00:00 - 11/10/2023 23:59 16/05/2018 00:00 - 31/07/2018 23:59 23/05/2023 00:00 - 29/09/2023 23:59 