Orientámolo/a, paso a paso, para presentar unha solicitude no rexistro electrónico
PR940C - Inscrición no rexistro da galeguidade.
Aberto todo o ano Obxecto
Este decreto ten por obxecto o desenvolvemento parcial da Lei 7/2013, do 13 de xuño, da galeguidade, no relativo ao procedemento e requisitos para o recoñecemento das comunidades galegas e dos centros colaboradores da galeguidade, ao procedemento para a revogación do dito recoñecemento, ás funcións e organización do Rexistro da Galeguidade e á inscrición das entidades galegas asentadas fóra de Galicia.
O Rexistro da Galeguidade ten por obxecto a inscrición de oficio, na correspondente sección, das entidades a que lles sexa recoñecida a condición de comunidade galega ou de centro colaborador da galeguidade, conforme o establecido na Lei 7/2013, do 13 de xuño, da galeguidade, así como a inscrición e depósito dos actos e documentos relativos a elas.
As demais entidades poderán solicitar a súa inscrición na correspondente sección do Rexistro da Galeguidade.
O Rexistro da Galeguidade ten por obxecto a inscrición de oficio, na correspondente sección, das entidades a que lles sexa recoñecida a condición de comunidade galega ou de centro colaborador da galeguidade, conforme o establecido na Lei 7/2013, do 13 de xuño, da galeguidade, así como a inscrición e depósito dos actos e documentos relativos a elas.
As demais entidades poderán solicitar a súa inscrición na correspondente sección do Rexistro da Galeguidade.
A quen vai dirixido?
Federecións, centros de estudo e difusión da cultura galega e redes sociais.
As entidades galegas teñen a obriga de comunicar ao Rexistro da Galeguidade todas aquelas circunstancias relativas ás ditas entidades que requiran inscrición segundo o que se establece neste decreto.
As entidades galegas teñen a obriga de comunicar ao Rexistro da Galeguidade todas aquelas circunstancias relativas ás ditas entidades que requiran inscrición segundo o que se establece neste decreto.
Requisitos
1. O Rexistro da Galeguidade adscríbese ao órgano competente en materia de emigración da Xunta de Galicia.
2. A inscrición no rexistro das entidades a que, conforme a lei, lles sexa recoñecida a condición de comunidade galega ou de centro colaborador da galeguidade é obrigatoria. O resto das entidades poderán solicitar a súa inscrición no rexistro.
3. A inscrición no Rexistro da Galeguidade será requisito indispensable para acceder ás axudas e subvencións públicas do órgano competente en materia de emigración da Xunta de Galicia.
2. A inscrición no rexistro das entidades a que, conforme a lei, lles sexa recoñecida a condición de comunidade galega ou de centro colaborador da galeguidade é obrigatoria. O resto das entidades poderán solicitar a súa inscrición no rexistro.
3. A inscrición no Rexistro da Galeguidade será requisito indispensable para acceder ás axudas e subvencións públicas do órgano competente en materia de emigración da Xunta de Galicia.
A onde acudir
Xunta de Galicia
Presidencia da Xunta de Galicia
Secretaría Xeral da Emigración
Subdirección Xeral do Retorno
Servizo de Planificación e Xestión de Programas do Retorno
R/ Basquiños, 2
15704 Santiago de Compostela (Coruña, A)
Teléfono: 981957162/ 981957157
Fax: 981547296
Email: rexistro.emigracion@xunta.es
Órgano responsable
Servizo de Planificación e Xestión de Programas do Retorno
Normativa
Ámbito Autonómico
Lei 7/2013, do 13 de xuño, da galeguidade (DOG nº 126 do 4 de xullo de 2013).
Corrección de erros. Lei 7/2013, do 13 de xuño, da galeguidade (DOG nº 159 do 22 de agosto de 2013).
Decreto 66/2014, do 23 de maio, polo que se regula o recoñecemento e revogación da condición de comunidade galega e de centro colaborador da galeguidade, o Rexistro da Galeguidade e o seu funcionamento (DOG nº 110 do 11 de xuño de 2014).
Prazo
Prazo de presentación: Aberto todo o ano
Este decreto entrará en vigor aos vinte días da súa publicación no Diario Oficial de Galicia e o prazo de presentación de solicitudes empezará o 1 de xullo de 2014.
Documentación para a presentación
- Solicitude segundo o Anexo III deste Decreto.
- Documentación específica para as Federacións:
- Acreditación da identidade da persoa que asina a solicitude e da súa representación.
- Acta o acordo de constitución da federación, na que deberán figurar as entidades que a conformen, o seu domicilio social, o número de inscrición no Rexistro da Galeguidade así como os datos de identificación dos representantes de cada unha destas.
- O acordo dos órganos competentes das entidades da súa vontade de se federaren.
- Os estatutos da federación nos que recolla algún dos fins que se determinan no artigo 13.1 da Lei da galeguidade e o seu funcionamento.
- Documentación acreditativa de recoñecemento da entidade de conformidade co ordenamento xurídico do Estado no que estea establecida, así como da súa inscrición no rexistro correspondente.
- A documentación pola que se determine o carácter temporal ou indefinido da federación.
- Número de identificación fiscal da entidade ou equivalente.
- Documentación acreditativa da composición dos seus órganos de goberno.
- Símbolo da federación.
- Documentación específica para os centros de estudo e difusión da cultura galega:
- Acreditación da identidade da persoa que asina a solicitude e da súa representación.
- Acta fundacional e estatutos nos que deberá constar como obxectivo fundamental, o estudo e difusión da cultura galega e a súa lingua.
- Documentación acreditativa da composición dos seus órganos de goberno.
- Certificación nominal das persoas integrantes da entidade conforme ao establecido no artigo 3 deste decreto.
- Símbolo da entidade.
- Memoria das actividades desenvolvidas pola entidade, ao menos, dos últimos dous anos e a relación destas co obxectivo fundamental da entidade tal e como se define no artigo 15.1 da Lei 7/2013, do 13 de xuño, da galeguidade.
- Documentación específica para as redes sociais:
- Certificación do administrador que acredite a data na que comezaron a operar na rede.
- Acreditación de que levan polo menos dous anos operando na comunidade virtual cuns fins destinados á difusión e fortalecemento da galeguidade e á promoción da comunicación daqueles que compartan intereses comúns co pobo galego e a súa colaboración coa Comunidade Autónoma de Galicia.
- As solicitudes deberán presentarse exclusivamente por vía electrónica a traves do formulario electrónico normalizado accesible dende a sede electrónica da Xunta de Galicia, https://sede.xunta.es, de acordo co establecido no artigo 27 da Lei 11/2007, do 22 de xuño, de acceso dos cidadáns aos servizos públicos, e no artigo 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes.
- Cando a persoa solicitante non dispoña de mecanismos de identificación e sinatura recoñecidos pola sede electrónica da Xunta de Galicia, deberá cubrir o formulario electrónico normalizado accesible desde a sede e enviar, ademais, en soporte papel, por calquera dos medios establecidos no artigo 38.4 da Lei 30/1992, do 26 de novembro, de rexime xurídico das administracións públicas e do procedemento administrativo común, documento acreditativo de que cubriu o dito formulario.
Recibido o dito documento, o órgano competente en materia de emigración procederá a acreditar a identidade da persona solicitante e a dotala dun mecanismo de identificación e sinatura electrónica baseado en datos coñecidos por ambas as partes. Este mecanismo poderá ser empregado en todos aqueles procedementos para os cales o órgano competente en materia de emigración así o estableza. - Cando a documentación complementaria se presente electronicamente utilizando calquera procedemento de copia dixitalizada do documento orixinal, as copias dixitalizadas presentadas garantirán a fidelidade co orixinal baixo a responsabilidade da persoa solicitante. A Administración poderá requirir a exhibición do documento orixinal para o cotexo da copia electrónica presentada segundo o disposto no artigo 35.2 da Lei 11/2007, do 22 de xuño, de acceso dos cidadáns aos servizos públicos, e no artigo 22.3 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. A achega de tales copias implica a autorización á Administración para que acceda e trate a información persoal contida nos correspondentes documentos.
- No suposto de que a solicitude non reúna os requisitos formais esixidos ou a documentación presentada fose incompleta, requirirase á entidade, para que no prazo de 10 días, subsane a falta na que incorran ou acheguen os documentos preceptivos, indicándose que se non o fixera se lle terá por desistido da súa petición de conformidade co disposto no artigo 71 da Lei 30/1992, de rexime xurídico das administracións públicas e do procedemento administrativo común, previa resolución ditada nos termos previstos no artigo 42 da devandita lei.
Resolución
Prazo de resolución: Seis meses
Sentido do silencio: Negativo
Procedementos e servizos relacionados
Aberto todo o ano Aberto todo o ano PR940B
Revogación do recoñecemento.
Aberto todo o ano Aberto todo o ano Aberto todo o ano