Cancelación individual no Rexistro de Parellas de feito de Galicia.

Parellas de Feito.

Prazo de presentación: ABERTO

De conformidade coa Disposición final única do Decreto 17/2025, do 10 de marzo, polo que se modifica o Decreto 248/2007, do 20 de decembro (DOG nº 53 do 18 de marzo de 2025), o prazo de presentación de solicitudes comezará o día 7 de abril de 2025 e permanecerá aberto indefinidamente.

1. As inscricións extínguense pola súa cancelación.

2. A cancelación terá lugar:

- Pola solicitude dunha das persoas que compoñen a parella.

- Pola morte ou declaración de falecemento dunha das persoas que compoñen a parella.

- Polo matrimonio de calquera das persoas que compoñen a parella.

- Polo incumprimento, acreditado en base a proba fidedigna, dos requisitos de convivencia nunha relación de afectividade análoga á conxugal con posterioridade á inscrición.

- Pola ausencia sobrevinda dalgún dos requisitos esixidos no artigo 5 do Decreto 248/2007 do 20 de decembro, determinantes da inscrición ou pola comprobación de falsidade ou inexactitude nos datos achegados coa solicitude determinantes da inscrición.

Documentación para a presentación:

Solicitude normalizada segundo o anexo VI deste Decreto.

Documento que acredite a notificación á outra persoa que compoña a parella, por calquera medio que deixe constancia da recepción por aquela ou o/a seu/súa representante, da súa vontade de extinguir a parella ou, no caso de imposibilidade de realizar a devandita notificación, de declaración responsable do/a solicitante da imposibilidade de realizar a mesma.

Documentación a comprobar pola Administración, salvo oposición das persoas solicitantes, en cuxo caso terán que achegala:

Datos de identidade das persoas solicitantes (DNI/NIE).

Certificación acreditativa da causa de cancelación da inscrición.

Certificado de matrimonio das persoas solicitantes.

A data da extinción da parella será a do día inmediatamente anterior á do matrimonio contida na certificación matrimonial.

As solicitudes de cancelación da inscrición a pedimento dun dos membros da parella e de certificación deberán presentarse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal. Opcionalmente, poderanse presentar presencialmente en calquera dos lugares e rexistros establecidos na normativa reguladora do procedemento administrativo común.

Para a presentación electrónica poderá empregarse calquera dos mecanismos de identificación e de firma admitidos pola sede electrónica da Xunta de Galicia, incluído o sistema de usuario e clave Chave365 (htps://sede.xunta.gal/chave365).