Orientámolo/a, paso a paso, para presentar unha solicitude no rexistro electrónico
MR711B - Arrendamento de predio rústico incorporado ao Banco de Terras de Galicia.
Pechado Obxecto
Esta orde ten por obxecto aprobar a posta en funcionamento do servizo para a presentación electrónica de solicitudes de arrendamento de predios rústicos incorporados ao Banco de Terras de Galicia regulado no capítulo III do título III da Lei 6/2011, do 13 de outubro, de mobilidade de terras.
Quedan excluídas deste procedemento as cesións pactadas de mutuo acordo recollidas no artigo 18.2.a) da Lei 6/2011, do 13 de outubro, de mobilidade de terras.
Este servizo habilitarase na sede electrónica da Xunta de Galicia no enderezo https://sede.xunta.gal e figurará na guía de procedementos e servizos regulada pola Orde do 12 de xaneiro de 2012, pola que se regula a habilitación de procedementos administrativos e servizos na Administración xeral e no sector público autonómico de Galicia, co código MR711B.
A quen vai dirixido?
Explotacións agrogandeiras.
A onde acudir
Xunta de Galicia
Consellería do Medio Rural
Axencia Galega de Desenvolvemento Rural (AGADER)
Subdirección de Mobilidade de Terras
Lugar da Barcia, 56 - Laraño
15897 Santiago de Compostela (Coruña, A)
Teléfono: 881997193
Email: bancodeterras@xunta.gal
Órgano responsable
Axencia Galega de Desenvolvemento Rural (AGADER)
Normativa
Ámbito Autonómico
Lei 6/2011, do 13 de outubro, de mobilidade de terras (DOG nº 205 do 26 de outubro de 2011).
Orde do 19 de setembro de 2019 pola que se regula a presentación electrónica de solicitudes de arrendamento de predios rústicos incorporados ao Banco de Terras de Galicia (DOG nº 183 do 26 de setembro de 2019)
Orde do 25 de novembro de 2019 pola que se modifica a Orde do 19 de setembro de 2019 pola que se regula a presentación electrónica de solicitudes de arrendamento de predios rústicos incorporados ao Banco de Terras de Galicia (DOG nº 228 do 29 de novembro de 2019).
Prazo
Prazo de presentación: PECHADO
Establécense dous períodos anuais para a presentación das solicitudes. O primeiro abarcará os meses de marzo e abril, e o segundo os meses de outubro e novembro. Fóra destes prazos, as solicitudes inadmitiranse por extemporáneas. Non será necesario que se dite un acordo de iniciación expreso para cada un dos prazos e considérase como data do acordo de iniciación o primeiro día natural do primeiro mes de cada un dos prazos de cada ano. Cando o último día do prazo sexa inhábil, entenderase prorrogado ao primeiro día hábil seguinte.
Documentación para a presentación
-
As solicitudes presentaranse preferiblemente por vía electrónica a través do anexo I dispoñible na sede electrónica da Xunta de Galicia, https://sede.xunta.gal, ou desde a páxina web do Banco de Terras de Galicia (https://sitegal.xunta.gal).
A presentación electrónica será obrigatoria para:
As administracións públicas, as persoas xurídicas, as entidades sen personalidade xurídica, as persoas representantes dunha das anteriores e as persoas empregadas das administracións públicas nos trámites realizados pola súa condición de empregado público.
Se algunha das persoas interesadas presenta a súa solicitude de xeito presencial, requiriráselle que a emende a través da súa presentación electrónica. Para estes efectos, considerarase como data de presentación da solicitude aquela en que fose realizada a emenda.
-
Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
Aquelas persoas non obrigadas á presentación electrónica, opcionalmente, poderán presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia.
Documentación complementaria necesaria para a tramitación do procedemento .
- Non é necesario que as persoas interesadas acheguen ningunha documentación no momento de presentar a solicitude. No caso de que fose preciso presentar documentación nunha fase posterior do procedemento, non será necesario achegar os documentos que xa fosen presentados anteriormente. Para estes efectos, a persoa interesada deberá indicar en que momento e ante que órgano administrativo presentou os citados documentos.
Nos supostos de imposibilidade material de obter o documento, o órgano competente poderá requirirlle á persoa interesada a súa presentación, ou, no seu defecto, a acreditación por outros medios dos requisitos aos que se refire o documento, con anterioridade á formulación da proposta de resolución.
- A documentación complementaria presentarase preferiblemente por vía electrónica. As persoas interesadas responsabilizaranse da veracidade dos documentos que presenten. Excepcionalmente, a Administración poderá requirir a exhibición do documento orixinal para o cotexo da copia electrónica presentada.
A presentación electrónica será obrigatoria para os suxeitos obrigados á presentación electrónica da solicitude. Se algunha das persoas interesadas presenta a documentación complementaria presencialmente, requiriráselle para que a emende a través da súa presentación electrónica. Para estes efectos, considerarase como data de presentación aquela na que fose realizada a emenda.
Aquelas persoas non obrigadas á presentación electrónica, opcionalmente, poderán presentar a documentación complementaria presencialmente en calquera dos lugares e rexistros establecidos na normativa reguladora do procedemento administrativo común.
- Sempre que se realice a presentación de documentos separadamente da solicitude deberase indicar o código e o órgano responsable do procedemento, o número de rexistro de entrada da solicitude e o número de expediente se se dispón del.
- No caso de que algún dos documentos que se van presentar de forma electrónica superase os tamaños máximos establecidos ou tivera un formato non admitido pola sede electrónica da Xunta de Galicia, permitirase a presentación deste de forma presencial dentro dos prazos previstos e na forma indicada no paragrafo anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.
- Sen prexuízo do previsto nos puntos anteriores, aplicaranse á presentación de documentación as regras establecidas no artigo 28 da Lei 39/2015, do 1 de outubro, do procedemento administrativo común das administracións públicas.
- Comprobación de datos .
1. Para a tramitación deste procedemento consultaranse automaticamente os datos incluídos nos seguintes documentos elaborados polas administracións públicas:
- a) DNI/NIE da persoa solicitante.
- b) DNI/NIE da persoa representante.
- c) NIF da entidade solicitante.
- d) Certificado de residencia con data de última variación padroal da persoa solicitante.
- e) Declaración da renda.
- f) Vida laboral.
- g) Estatutos ou acta de constitución da agrupación.
- h) Condición de titularidade de explotación agraria.
- i) Condición de ser explotación agraria prioritaria.
- j) Condición de ter un contrato de explotación sustentable en vigor.
- k) Condición de persoa produtora agraria inscrita no Consello Regulador de Agricultura Ecolóxica.
- l) Condición de ser persoa beneficiaria de axudas á primeira instalación de persoas agricultoras mozas.
- m) Condición de ter un plan de mellora na explotación.
- n) Acreditación da propiedade de predios para a valoración de criterios de proximidade.
- o) Contrato de arrendamento de predio próximo ou lindante.
2. No caso de que as persoas interesadas se opoñan a esta consulta, deberán indicalo no cadro correspondente habilitado no formulario de inicio e achegar os documentos.
3. Excepcionalmente, no caso de que algunha circunstancia imposibilitase a obtención dos citados datos poderase solicitar ás persoas interesadas a presentación dos documentos correspondentes.
- Trámites administrativos posteriores á presentación de solicitudes .
A sede electrónica da Xunta de Galicia permite as persoas interesadas realizar trámites electrónicos, con posterioridade ao inicio do expediente, accedendo á Carpeta do cidadán da persoa interesada. Cando as persoas interesadas non resulten obrigadas á presentación electrónica das solicitudes tamén poderán tramitarse presencialmente en calquera dos lugares e rexistros establecidos na normativa reguladora do procedemento administrativo común.
Resolución
Prazo de resolución:
Cinco meses
Sentido do silencio:
Negativo
Outras convocatorias ou publicacións
Procedementos e servizos relacionados
Aberto todo o ano 01/09/2022 00:00 - 30/09/2022 23:59 16/03/2024 00:00 - 01/04/2024 23:59 22/02/2024 00:00 - 21/03/2024 23:59 22/01/2020 00:00 - 06/03/2020 23:59 Aberto todo o ano MR713A
Declaración de aldea modelo.