Orientámolo/a, paso a paso, para presentar unha solicitude no rexistro electrónico
MR280A - Recoñecemento de organizacións e asociacións de produtores de leite na Comunidade Autónoma de Galicia.
Aberto todo o ano Obxecto
Regular o procedemento de recoñecemento e rexistro das organizacións de produtores de leite e das súas asociacións en que a sede da súa efectiva dirección radique na Comunidade Autónoma de Galicia, ao abeiro do disposto no Real decreto 460/2011, do 1 de abril, polo que se regula o recoñecemento das organizacións de produtores de leite e das organizacións interprofesionais no sector lácteo e se explicitan as decisións de España sobre a contratación no sector lácteo en relación á normativa europea que modificará para o sector lácteo o Regulamento (CE) n.º 1234/2007 do Consello.
A quen vai dirixido?
Organizacións de produtores de leite.
Requisitos
1. Deberán ser recoñecidas como organizacións de produtores de leite todas aquelas entidades con personalidade xurídica propia, de carácter civil ou mercantil, constituídas exclusivamente por produtores, que o soliciten e cumpran co obxectivo de perseguir a concentración da oferta e levar a cabo a comercialización da produción dos seus membros.
Ademais, deberán, polo menos, perseguir unha das seguintes finalidades:
a) Garantir que a produción se planifique e axuste de acordo á demanda, sobre todo no referente á calidade e á cantidade.
b) Optimizar os custos de produción e estabilizar os prezos de produción».
2. A organización deberá dispor dos medios materiais e humanos necesarios para levar a cabo, polo menos, a función establecida no primeiro parágrafo deste artigo, así como aquela ou aquelas funcións que realice entre as de carácter opcional. Disporá de persoal técnico, persoal administrativo, locais axeitados e suficientes onde o Fogga poida examinar os documentos e rexistros que está obrigado a levar e de medios informáticos e telemáticos adecuados para o cumprimento das obrigas establecidas neste decreto.
Ademais, deberán, polo menos, perseguir unha das seguintes finalidades:
a) Garantir que a produción se planifique e axuste de acordo á demanda, sobre todo no referente á calidade e á cantidade.
b) Optimizar os custos de produción e estabilizar os prezos de produción».
2. A organización deberá dispor dos medios materiais e humanos necesarios para levar a cabo, polo menos, a función establecida no primeiro parágrafo deste artigo, así como aquela ou aquelas funcións que realice entre as de carácter opcional. Disporá de persoal técnico, persoal administrativo, locais axeitados e suficientes onde o Fogga poida examinar os documentos e rexistros que está obrigado a levar e de medios informáticos e telemáticos adecuados para o cumprimento das obrigas establecidas neste decreto.
3. As organizacións de produtores deberán acadar unha produción comerciable anual mínima e un número de produtores segundo o disposto no anexo I.
4. As organizacións de produtores deberán crearse por iniciativa dos produtores, e o seu funcionamento interno será democrático.
5. No caso de que unha organización de produtores estea formada por produtores de leite de diferentes especies, deberán cumprirse as exixencias relativas a cada unha das especies en relación á produción mínima comerciable.
6. Un produtor non poderá ser membro de máis dunha organización de produtores de leite da mesma especie, salvo que sexa titular de máis dunha explotación, conforme o Real decreto 479/2004, do 26 de marzo, polo que se establece e regula o Rexistro Xeral de Explotacións Gandeiras.
4. As organizacións de produtores deberán crearse por iniciativa dos produtores, e o seu funcionamento interno será democrático.
5. No caso de que unha organización de produtores estea formada por produtores de leite de diferentes especies, deberán cumprirse as exixencias relativas a cada unha das especies en relación á produción mínima comerciable.
6. Un produtor non poderá ser membro de máis dunha organización de produtores de leite da mesma especie, salvo que sexa titular de máis dunha explotación, conforme o Real decreto 479/2004, do 26 de marzo, polo que se establece e regula o Rexistro Xeral de Explotacións Gandeiras.
A onde acudir
Consellería do Medio Rural
Fondo Galego de Garantía Agraria (FOGGA)
SUBDIRECCIÓN XERAL DE XESTIÓN DA PAC
Rúa dos Irmandiños, s/n - Salgueiriños
15701 Santiago de Compostela (Coruña, A)
Teléfono: 981546280
Fax: 981546182
Órgano responsable
SUBDIRECCIÓN XERAL DE XESTIÓN DA PAC
Normativa
Ámbito Autonómico
Decreto 112/2011, do 3 de xuño, polo que se regula o procedemento de recoñecemento e rexistro das organizacións de produtores de leite na Comunidade Autónoma de Galicia (DOG nº 115 do 16 de xuño de 2011).
Decreto 155/2013, do 19 de setembro, polo que se modifica o Decreto 112/2011, do 3 de xuño, polo que se regula o procedemento de recoñecemento e rexistro das organizacións de produtores de leite na Comunidade Autónoma de Galicia (DOG nº 189 do 3 de outubro de 2013).
Ámbito Estatal
Real decreto 460/2011, do 1 de abril, polo que se regula o recoñecemento das organizacións de produtores de leite e das organizacións interprofesionais no sector lácteo e se explicitan as decisións de España sobre a contratación no sector lácteo en relación á normativa europea que modificará para o sector lácteo o Regulamento (CE) n.º 1234/2007 do Consello (BOE nº 79 do 2 de abril de 2011).
Real decreto 1363/2012, do 28 de setembro, polo que se regula o recoñecemento das organizacións de produtores de leite e das organizacións interprofesionais no sector lácteo e se establecen as súas condicións de contratación (BOE nº 237 do 2 de outubro de 2012).
Prazo
Prazo de presentación: Aberto todo o ano
Documentación para a presentación
- Solicitude normalizada segundo o anexo III
- Documentación que presentarán as entidades solicitantes do recoñecemento como organizacións de produtores de leite:
- a) Copia cotexada do NIF da entidade.
- b) Copia cotexada do NIF do representante fiscal ou autorización ao Fogga, de conformidade co disposto no artigo 2 do Decreto 255/2008, do 23 de outubro, polo que se simplifica a documentación para a tramitación dos procedementos administrativos e se fomenta a utilización de medios electrónicos para a consulta dos datos de identidade no Sistema de verificación de datos de identidade do Ministerio de Facenda e Administracións Públicas.
- c) Copia cotexada dos estatutos da entidade.
- d) Copia cotexada do acordo do órgano competente da entidade en que se nomee a persoa representante para os efectos do establecido no Real decreto 1363/2012, do 28 de setembro.
- e) Certificación ou informe do responsable da entidade en que figuren o nome e NIF dos membros da xunta directiva, se for o caso.
- f) Copia cotexada da documentación que acredite a personalidade xurídica da entidade.
- g) Relación dos titulares de explotacións leiteiras pertencentes á entidade, de acordo co anexo II (ficheiro informático).
- h) Declaración de compromisos e mandatos dos asociados e da posta no mercado de leite das organizacións de produtores lácteos, de acordo co disposto no anexo IV.
- i) Memoria descritiva da dotación de persoal tecnico e/ou administrativo do equipamento material de que dispón, con referencia expresa a:
- Persoal tecnico.
- Persoal administrativo.
- Locais axeitados e suficientes onde o Fogga poida examinar os documentos e rexistros obrigatorios.
- Medios informáticos e de conexión adecuados para o cumprimento das obrigas establecidas».
- Documentación que presentarán as entidades solicitantes do recoñecemento como asociación de organizacións de produtores de leite
- a) Copia cotexada do NIF da entidade.
- b) Copia cotexada do NIF do representante fiscal ou autorización ao Fogga, de conformidade co disposto no artigo 2 do Decreto 255/2008, do 23 de outubro, polo que se simplifica a documentación para a tramitación dos procedementos administrativos e se fomenta a utilización de medios electrónicos para a consulta dos datos de identidade no Sistema de verificación de datos de identidade do Ministerio de Facenda e Administracións Públicas.
- c) Copia cotexada dos estatutos da entidade.
- d) Copia cotexada do acordo do órgano competente da entidade en que se nomee a persoa representante para os efectos do establecido no Real decreto 1363/2012, do 28 de setembro.
- e) Certificación ou informe do responsable da entidade en que figuren o nome e NIF dos membros da xunta directiva, se for o caso.
- f) Copia cotexada da documentación que acredite a personalidade xurídica da entidade.
- g) Relación de organizacións de produtores lácteos membros da entidade e documentación xustificativa do seu recoñecemento
- h) Declaración de compromisos e mandatos dos asociados e da posta no mercado de leite da entidade».
- Os anexos II, III, IV e V substitúense polos que se aproban neste decreto (Decreto 155/2013, do 19 de setembro).
- Os interesados poderán presentar electronicamente as solicitudes e a documentación que se lle xunte a esta na sede electrónica da Xunta de Galicia, no enderezo electrónico: https://sede.xunta.es. A achega de tales copias implica a autorización á Administración para que acceda e trate a información persoal contida nos correspondentes documentos.
As persoas interesadas poderán presentar as solicitudes de forma presencial por calquera das formas previstas no artigo 38.4 da Lei 30/1992, do 26 de novembro, de rexime xurídico das administracións públicas e do procedemento administrativo común.
Anexos asociados
Resolución
Prazo de resolución: Un mes
Sentido do silencio: Positivo
Procedementos e servizos relacionados
Aberto todo o ano 
Aberto todo o ano Aberto todo o ano Aberto todo o ano 