Orientámolo/a, paso a paso, para presentar unha solicitude no rexistro electrónico
IN809A - Bolsas para estadías fóra da comunidade autónoma.
Convocatoria 2015
Prazo pechado: 14/01/2015 - 13/02/2015
Prazo pechado: 14/01/2015 - 13/02/2015Obxecto
A concesión das axudas da Axencia Galega de Innovación para a realización de estadías durante o ano 2015 fóra da Comunidade Autónoma de Galicia, preferentemente no estranxeiro, dirixidas a investigadores e técnicos contratados en centros tecnolóxicos e organismos públicos de investigación (OPI), que teñen centros de I+D+i radicados en Galicia, alleos ao Sistema universitario de Galicia (SUG), co fin de que este persoal poida realizar actividades que melloren a súa formación, así como entrar en contacto con ambientes de investigación e innovación diferentes, mellorando os seus contactos neste ámbito.
Convócanse estas axudas para o ano 2015 en réxime de concorrencia competitiva.
Condicións de aproveitamento
1. As estadías para as que se solicite unha axuda ao abeiro da presente convocatoria deberán iniciarse en data igual ou posterior ao 1 de xaneiro do ano 2015 e finalizarse en data igual ou anterior ao 30 de novembro do ano 2015.
Convócanse estas axudas para o ano 2015 en réxime de concorrencia competitiva.
Condicións de aproveitamento
1. As estadías para as que se solicite unha axuda ao abeiro da presente convocatoria deberán iniciarse en data igual ou posterior ao 1 de xaneiro do ano 2015 e finalizarse en data igual ou anterior ao 30 de novembro do ano 2015.
2. Non se poderá realizar interrupción ningunha no período correspondente á axuda de estadías concedido, salvo caso de forza maior.
O importe da axuda comprenderá:
1. Unha axuda institucional para gastos de desprazamento e seguro combinado de accidentes, cunha asignación de 400 euros para estadías en España, Portugal e Andorra, de 600 euros para estadías no resto de Europa e de 1.000 euros para estadías no resto do mundo.
2. Unha asignación mensual bruta de:
- 1.400 euros, se a incorporación se produce en España, Portugal ou Andorra.
- 1.700 euros, se a incorporación se produce no resto de países de Europa, África ou América (excluídos os Estados Unidos e Canadá).
- 2.000 euros, se a incorporación se produce nos Estados Unidos, Canadá, Asia ou Oceanía.
En todo caso, respectaranse as condicións da TIN/2965/2008, do 14 de outubro, de gastos subvencionables polo Fondo Social Europeo, durante o período de programación 2007-2013, e a Orde TIN/788/2009, do 25 de marzo, e a Orde ESS/1337/2013, do 3 de xullo, que a modifican.
O importe da axuda comprenderá:
1. Unha axuda institucional para gastos de desprazamento e seguro combinado de accidentes, cunha asignación de 400 euros para estadías en España, Portugal e Andorra, de 600 euros para estadías no resto de Europa e de 1.000 euros para estadías no resto do mundo.
2. Unha asignación mensual bruta de:
- 1.400 euros, se a incorporación se produce en España, Portugal ou Andorra.
- 1.700 euros, se a incorporación se produce no resto de países de Europa, África ou América (excluídos os Estados Unidos e Canadá).
- 2.000 euros, se a incorporación se produce nos Estados Unidos, Canadá, Asia ou Oceanía.
En todo caso, respectaranse as condicións da TIN/2965/2008, do 14 de outubro, de gastos subvencionables polo Fondo Social Europeo, durante o período de programación 2007-2013, e a Orde TIN/788/2009, do 25 de marzo, e a Orde ESS/1337/2013, do 3 de xullo, que a modifican.
A quen vai dirixido?
investigadores e técnicos con vinculación en vigor en centros tecnolóxicos de Galicia ou en organismos públicos de investigación (OPI), alleos ao SUG, que teñan centros radicados na Comunidade Autónoma nos cales desenvolve a súa actividade o solicitante.
Sen prexuízo das demais obrigas que resulten da Lei 9/2007, do 13 de xuño, de subvencións de Galicia; do Decreto 11/2009, do 8 de xaneiro, polo que se aproba o seu regulamento de desenvolvemento, así como daqueloutras específicas que se indiquen nos correspondentes anexos desta convocatoria, os beneficiarios das axudas concedidas ao abeiro do disposto nesta convocatoria quedan obrigados a:
1. Cumprir cos obxectivos da axuda que se lles conceda, así como cos compromisos asumidos e acreditar a realización da actividade subvencionada. De non ser así, perderán o dereito ao seu cobramento, e/ou, se é o caso, procederase ao reintegro da subvención.
Sen prexuízo das demais obrigas que resulten da Lei 9/2007, do 13 de xuño, de subvencións de Galicia; do Decreto 11/2009, do 8 de xaneiro, polo que se aproba o seu regulamento de desenvolvemento, así como daqueloutras específicas que se indiquen nos correspondentes anexos desta convocatoria, os beneficiarios das axudas concedidas ao abeiro do disposto nesta convocatoria quedan obrigados a:
1. Cumprir cos obxectivos da axuda que se lles conceda, así como cos compromisos asumidos e acreditar a realización da actividade subvencionada. De non ser así, perderán o dereito ao seu cobramento, e/ou, se é o caso, procederase ao reintegro da subvención.
Tamén deberán proceder ao reintegro total ou parcial da subvención ou axuda pública percibida e aos xuros de mora correspondentes desde o momento do seu pagamento ata a data en que se acorde a procedencia do reintegro nos supostos recollidos nos artigos 32 e seguintes da Lei 9/2007. Para isto tramitarase o oportuno procedemento de reintegro, que se axustará ao previsto na citada lei e no título V do Decreto 11/2009.
Sen prexuízo do anterior, aos beneficiarios das axudas seralles de aplicación o réxime de infraccións e sancións previsto nos artigos 50 e seguintes da Lei 9/2007 e no título VI do Decreto 11/2009.
2. Facilitar toda información que lles sexa requirida pola Axencia Galega de Innovación, así como pola Intervención Xeral da Comunidade Autónoma, o Consello de Contas e o Tribunal de Contas, no exercicio das súas funcións de fiscalización e control.
3. Someterse ás actuacións de supervisión e control dos órganos da Administración do Estado e da Comunidade Autónoma, do Fondo Social Europeo, da Unidade Administradora do Fondo Social Europeo do Ministerio de Emprego e Seguridade Social, para realizar as comprobacións e verificacións do artigo 13 do Regulamento (CE) nº 1828/2006 que se consideren precisas para a constatación do cumprimento do disposto nesta resolución e demais normas vixentes que resulten de aplicación e achegar canta información lles sexa requirida no exercicio das actuacións anteriores.
4. Comunicarlle a Axencia Galega de Innovación, no momento en que se sexan beneficiarios, calquera axuda concedida para o mesmo fin, así como o seu importe e duración.
5. Os beneficiarios deberán conservar a documentación por un período de tres anos a partir do peche do programa operativo FSE Galicia 2007-2013.
6. Os beneficiarios deberán dar a adecuada publicidade do carácter público do financiamento en todas as actuacións que deriven da execución do proxecto, en cumprimento do artigo 15.3 da Lei 9/2007, de subvencións de Galicia, e de acordo co disposto nos artigos 8 e 9 do Regulamento (CE) 1828/2006, da Comisión, do 8 de decembro, que fixa normas de desenvolvemento para o Regulamento (CE) 1083/2006, do Consello, polo que se establecen as disposicións xerais relativas ao Feder, ao FSE e ao Fondo de Cohesión. Calquera documento relativo a este tipo de operación incluirá unha declaración en que se informe deste cofinanciamento.
Estas medidas están recollidas na Guía de publicidade e información das intervencións cofinanciadas polos fondos estructurais 2007-2013, que pode consultarse na páxina web:
http://www.conselleriadefacenda.es/web/portal/area-de-planificacion-e-fondos
Requisitos
As bolsas poderán ser solicitadas por investigadores e técnicos con vinculación en vigor en centros tecnolóxicos de Galicia ou en organismos públicos de investigación (OPI), alleos ao SUG, que teñan centros radicados na Comunidade Autónoma nos cales desenvolve a súa actividade o solicitante.
A vinculación laboral deberá estar vixente na data do remate do prazo de presentación da solicitude.
Cada persoa só poderá solicitar unha estadía de 1 a 6 meses de duración.
A vinculación laboral deberá estar vixente na data do remate do prazo de presentación da solicitude.
Cada persoa só poderá solicitar unha estadía de 1 a 6 meses de duración.
A onde acudir
CONSELLERÍA DE ECONOMÍA, EMPREGO E INDUSTRIA
AXENCIA GALEGA DE INNOVACIÓN
ÁREA DE XESTIÓN
Praza de Europa nº 10A-6º
15707 Santiago de Compostela (Coruña, A)
Teléfono: 981541075
Fax: 981957380
Email: gain@xunta.es
Órgano responsable
ÁREA DE XESTIÓN
Normativa
Ámbito Autonómico
Resolución do 30 de decembro de 2014 pola que se establecen as bases para a concesión, en réxime de concorrencia competitiva, das bolsas para estadías que se van realizar no 2015 correspondentes a investigadores e técnicos contratados en centros tecnolóxicos de Galicia e en organismos públicos de investigación con centros radicados en Galicia, alleos ao Sistema universitario de Galicia, ao abeiro das accións financiables polo Fondo Social Europeo de Formación de Investigadores do Plan galego de investigación, innovación e crecemento 2011-2015, e se procede á súa convocatoria (DOG nº 7 do 13 de xaneiro de 2015).
Prazo
Prazo de presentación: PECHADO
14/01/2015 - 13/02/2015
Un mes, contado a partir do día seguinte ao da publicación desta Resolución no Diario Oficial de Galicia.
Documentación para a presentación
- a) Anexo I: solicitude. No anexo I inclúense as seguintes declaracións responsables:
- 1) Declaración de que todos os datos contidos na solicitude e nos documentos que se presentan son certos.
- 2) Declaración opcional en que se comprometa a utilizar a lingua galega en todas as relacións que o interesado, como consecuencia desde procedemento, manteña coa Administración autonómica (artigo 20.2.l. da Lei 9/2007, do 13 de xuño, de subvencións de Galicia).
- 3) Declaración responsable de non estar incurso en ningunha das circunstancias previstas no artigo 13 da Lei 38/2003, do 17 de novembro, xeral de subvencións.
- 4) Declaración de non atoparse incurso en ningunha das prohibicións para a obtención da axuda recollidas nos números 2 e 3 do artigo 10 da Lei 9/2007, do 13 de xuño, de subvencións de Galicia.
- 5) Declaración responsable de estar ao día no pagamento das obrigas por reintegro de subvencións, conforme o artigo 10.2 g) da Lei 9/2007, do 13 de xuño, de subvencións de Galicia, e o artigo 9 do Regulamento de subvencións de Galicia, aprobado polo Decreto 11/2009, do 8 de xaneiro.
- 6) No caso de denegar expresamente a autorización ao órgano xestor a que se refire o artigo 9.3, deberá presentar unha declaración responsable do solicitante de estar ao día no cumprimento das obrigas tributarias ou fronte á Seguridade Social e de non ter pendente de pagamento ningunha outra debeda coa Administración pública da Comunidade Autónoma, de conformidade co artigo 11 do Decreto 11/2009, do 8 de xaneiro, polo que se aproba o regulamento da Lei 9/2007, do 13 de xuño, de subvencións de Galicia.
- 7) Declaración de que son veraces os datos que se consignan na solicitude relativos á conta bancaria na cal se efectuará o pagamento das axudas, así como que a persoa solicitante e a súa titular, de conformidade co establecido no artigo 5 da Orde do 12 de xaneiro de 2012, pola que se regula a habilitación de procedementos administrativos e servicios na Administración xeral e no sector público autonómico de Galicia.
- 8) Declaración responsable do solicitante de todas as solicitudes efectuadas e concedidas para o mesmo fin por outras administracións ou entes públicos ou privados.
- b) Anexo III: informe de conformidade e certificación de vinculación do/da solicitante (orixinal ou copia cotexada), emitido polo director do centro de investigación a que estea vinculado o solicitante.
- c) Anexo IV: autorización da representación.
- d) Carta de invitación (orixinal ou copia cotexada) do centro onde se vai desenvolver o traballo, debidamente asinada polo responsable deste, na cal deberá constar o seguinte contido:
- 1) As datas de inicio e fin da estadía: desde (dd/mm/aaaa) ata (dd/mm/aaaa).
- 2) Deberá acreditarse a autenticidade da carta de invitación con:
- Papel oficial e
- Selo do centro de realización da estadía.
Por responsable do centro entenderase o director do centro, director de departamento ou director do grupo en que se integrará o solicitante destas axudas. En calquera caso, a sinatura deberá acompañarse da identificación da persoa que asina a carta de invitación así como do cargo que ocupa. - e) Plan de traballo en calquera das linguas oficiais da Comunidade Autónoma, no cal se faga constar:
- Calendario.
- Programa das actividades que se van realizar.
O plan de traballo deberá estar asinado polo interesado e ter unha extensión de entre 2 e 4 páxinas. - f) Currículo asinado polo solicitante. Indicarase en cada unha das alíneas do modelo oficial de currículo que figura no enderezo http://gain.xunta.es. No caso de presentación electrónica, xuntarase copia dixitalizada (escaneada). A Axencia Galega de Innovación reservase o dereito á consulta, comprobación ou posterior requirimento dos orixinais.
A sede electrónica da Xunta de Galicia ten á disposición das persoas interesadas unha serie de modelos normalizados dos trámites máis comunmente utilizados na tramitación administrativa, que poderán ser presentados electronicamente accedendo á Carpeta do Cidadán da persoa interesada ou presencialmente en calquera dos lugares e rexistros establecidos no artigo 38.4 da Lei 30/1992, do 26 de novembro, de rexime xurídico das administracións públicas e do procedemento administrativo común. - Sempre que se realice a presentación de documentos separadamente ao formulario principal, a persoa interesada deberá achegar o código do procedemento, o órgano responsable, o número de expediente e o número ou código único de rexistro.
- A documentación complementaria poderase presentar electronicamente utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante. A Administración poderá requirir a exhibición do documento orixinal para o cotexo da copia electrónica presentada segundo o disposto no artigo 35.2 da Lei 11/2007, do 22 de xuño, de acceso dos cidadáns aos servizos públicos, e 22.3 do Decreto 198/2010, polo que se regula o desenvolvemento da Administración electrónica na Xunta de Galicia e nas entidades dela dependentes.
No caso de que algún dos documentos para presentar por parte do/da solicitante, de forma electrónica, supere os tamaños límite establecidos pola sede electrónica, permitirase a presentación deste de forma presencial dentro dos prazos previstos. Para iso, e xunto co documento que se presenta, a persoa interesada deberá mencionar o código e o órgano responsable do procedemento, o número de expediente e o número ou código único de rexistro. Na sede electrónica da Xunta de Galicia publicarase a relación de formatos, protocolos e tamaño máximo admitido da documentación complementaria para cada procedemento. - As solicitudes deberán presentarse preferiblemente por vía electrónica a traves do formulario normalizado dispoñible na sede electrónica da Xunta de Galicia, https://sede.xunta.es, de acordo co establecido nos artigos 27 da Lei 11/2007, do 22 de xuño, de acceso dos cidadáns aos servizos públicos, e 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación das solicitudes será necesario o documento nacional de identidade electrónico ou calquera dos certificados electrónicos recoñecidos pola sede da Xunta de Galicia.
Opcionalmente tamen se poderán presentar as solicitudes en soporte papel en calquera dos lugares establecidos no artigo 38.4 da Lei 30/1992, de rexime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia ou na páxina da Axencia Galega de Innovación http://gain.xunta.es - No prazo de presentación de solicitudes, entenderase como último día do prazo o correspondente ao mesmo ordinal do día da publicación. Se o último día do prazo for inhábil, entenderase prorrogado ao primeiro día hábil seguinte e, se no mes do vencemento non houber día equivalente ao inicial do cómputo, entenderase que o prazo expira o derradeiro do mes.
Resolución
Prazo de resolución: Cinco meses
Sentido do silencio: Negativo
Procedementos e servizos relacionados
09/02/2018 - 08/03/2018