Orientámolo/a, paso a paso, para presentar unha solicitude no rexistro electrónico
IN407B - Rexistro de instalacións de autoconsumo en baixa tensión e potencia menor 100Kw.
Aberto todo o ano Máis información e guía sobre o autoconsumo de enerxía eléctrica nesta páxina.
Obxecto
Procedemento de comunicación dos suxeitos consumidores que realicen autoconsumo, conectados a baixa tensión, nos que a instalación de xeración sexa de baixa tensión e a potencia instalada de xeración sexa menor de 100 kW, para a súa inscrición no Rexistro de Autoconsumo do Ministerio de Transición Ecolóxica, segundo o aprobado polo Real decreto 244/2019, do 5 de abril. Procedemento IN407B que se recolle no anexo I desta resolución.
A quen vai dirixido?
As persoas físicas ou xurídicas que realicen autoconsumo, con instalacións de xeración conectadas a baixa tensión, cando a xeración sexa de baixa tensión e a potencia instalada de xeración sexa menor de 100 kW.
Requisitos
O procedemento IN407B regula a comunicación telemática que deberán empregar as persoas físicas ou xurídicas que realicen autoconsumo, con instalacións de xeración conectadas a baixa tensión, cando a xeración sexa de baixa tensión e a potencia instalada de xeración sexa menor de 100 kW, para a súa inscrición no Rexistro de Autoconsumo do Ministerio de Transición Ecolóxica, anexo I: IN407B.
A onde acudir
Xunta de Galicia
Consellería de Economía, Industria e Innovación
Dirección Xeral de Planificación Enerxética e Recursos Naturais
Subdirección Xeral de Enerxía
Servizo de Enerxías Renovables e Eficiencia Enerxética
San Caetano, s/n
15781 Santiago de Compostela (Coruña, A)
Teléfono: 981545575
Email: subdireccion.enerxia@xunta.gal
Xunta de Galicia
Consellería de Economía, Industria e Innovación
Xefatura Territorial da Consellería de Economía, Industria e Innovación da Coruña
Servizo de Industria da Coruña
Vicente Ferrer, nº 2
15071 Coruña, A (Coruña, A)
Teléfono: 981184906
Email: cei.xtcoruna@xunta.gal
Xunta de Galicia
Consellería de Economía, Industria e Innovación
Xefatura Territorial da Consellería de Economía, Industria e Innovación de Lugo
Servizo de Industria de Lugo
Ronda da Muralla, nº 70
27071 Lugo (Lugo)
Teléfono: 982294669
Email: administracionindustrial.ceei.lugo@xunta.gal
Xunta de Galicia
Consellería de Economía, Industria e Innovación
Xefatura Territorial da Consellería de Economía, Industria e Innovación de Ourense
Servizo de Industria de Ourense
Curros Enríquez, nº 1, 4º
32071 Ourense (Ourense)
Teléfono: 988386755
Email: xefaturaindustria.cei.ourense@xunta.gal
Xunta de Galicia
Consellería de Economía, Industria e Innovación
Xefatura Territorial da Consellería de Economía, Industria e Innovación de Pontevedra
Servizo de Industria de Pontevedra
Avenida Mª Victoria Moreno, nº 43, 5º
36071 Pontevedra (Pontevedra)
Teléfono: 986805255
Email: xt.ceei.po@xunta.gal
Órgano responsable
Dirección Xeral de Planificación Enerxética e Recursos Naturais
Normativa
Ámbito Autonómico
Resolución do 18 de febreiro de 2020, da Dirección Xeral de Enerxía e Minas, pola que se regula o procedemento de comunicación de instalacións de autoconsumo conectadas en baixa tensión e potencia instalada menor a 100 kW, así como o procedemento de contestación das empresas distribuidoras (DOG nº 43 do 4 de marzo de 2020).
Orde do 5 de maio de 2020 pola que se autoriza e se dá publicidade dunha relación de procedementos que, por razóns motivadas, deben continuar coa súa tramitación durante a vixencia do estado de alarma. (DOG nº 90 do 11 de maio de 2020).
Máis información e guía sobre o autoconsumo de enerxía eléctrica nesta páxina.
Prazo
Prazo de presentación: ABERTO
Documentación para a presentación
Forma de presentación das comunicacións
As persoas interesadas, incluídas as persoas físicas que non sexan autónomas tal como establece o artigo 19.1 do Real decreto 244/2019, do 5 de abril, presentarán as devanditas comunicacións obrigatoriamente por medios electrónicos, a través dos formularios normalizados, anexo I ou anexo II, segundo o caso, accesibles desde a sede electrónica da Xunta de Galicia, https://sede.xunta.gal.
Se algunha das persoas interesadas presenta as ditas comunicacións presencialmente requiriráselle para que a emende a través da súa presentación electrónica. Para estes efectos considerarase como data de presentación aquela en que fose realizada a emenda.
Para a presentación das comunicacións poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
O procedemento IN407B de comunicación de datos ao Rexistro Administrativo de Autoconsumo é un procedemento electrónico, declarativo e de acceso gratuíto tal e como se establece no artigo 19.1 do Real decreto 244/2019, do 5 de abril, polo que se regulan as condicións administrativas, técnicas e económicas do autoconsumo de enerxía eléctrica. O procedemento administrativo IN407B é de prazo aberto. A comunicación de datos ao Rexistro Administrativo de Autoconsumo dirixirase á Xefatura Territorial da Consellería de Economía, Emprego e Industria ao Servizo de Administración Industrial (en diante, a Xefatura Territorial) onde se atope implantada a instalación de autoconsumo.
Comprobación de datos:
Para a tramitación do procedemento IN407B consultaranse automaticamente os datos incluídos nos seguintes documentos elaborados polas administracións públicas:
• DNI ou NIE da persoa comunicante.
• DNI ou NIE da persoa representante.
• NIF da persoa xurídica comunicante.
• NIF da persoa xurídica representante.
• O boletín de baixa tensión da instalación.
• A autorización de explotación da instalación.
• Resolución de inscrición no Rexistro de Produtores de Enerxía Eléctrica da Xunta de Galicia.
No caso de que as persoas interesadas se opoñan a esta consulta, deberán indicalo no cadro correspondente habilitado no formulario de inicio e achegar os documentos.
Excepcionalmente, no caso de que algunha circunstancia imposibilitase a obtención dos citados datos, poderase solicitar ás persoas interesadas a presentación dos documentos correspondentes.
d) De acordo co establecido no Real decreto 244/2019, do 5 de abril, a Comunidade Autónoma dará traslado dos datos das comunicacións presentadas dentro do procedemento IN407B mediante notificación electrónica á empresa distribuidora afectada pola instalación de autoconsumo.
As empresas distribuidoras contarán cun prazo de 5 días hábiles para comunicar a súa conformidade ou oposición aos datos remitidos mediante comunicación á xefatura territorial correspondente, mediante o procedemento de comunicación IN407C recollido nesta resolución.
e) No prazo máximo de 15 días hábiles, desde a recepción da contestación feita pola empresa distribuidora (procedemento IN407C), a xefatura territorial, dentro do procedemento IN407B notificaralle de xeito automático ás persoas interesadas o traslado dos datos ao Rexistro Administrativo de Autoconsumo do Ministerio dentro do mes en curso, no suposto de conformidade, ou no suposto de oposición notificaráselle a imposibilidade de realizar a comunicación ao Rexistro do Ministerio indicándolle as causas, así como que para a inscrición da instalación será necesario emendar os defectos e realizar unha nova comunicación a través do IN407B. As citadas notificacións practicaranse só por medios electrónicos, nos termos previstos na normativa reguladora do procedemento administrativo común.
Trámites posteriores
Todos os trámites administrativos que as persoas interesadas deban realizar durante a tramitación dos procedementos (IN407B e IN407C) deberán ser realizados electronicamente accedendo á carpeta do cidadá da persoa interesada accesible na sede electrónica da Xunta de Galicia.
Máis información e guía sobre o autoconsumo de enerxía eléctrica nesta páxina.
Procedementos e servizos relacionados
Aberto todo o ano Aberto todo o ano Aberto todo o ano Aberto todo o ano