Este procedemento ten por obxecto a comunicación de datos relativos ao persoal acompañante adscrito aos contratos de concesión de servizos públicos de transporte regular de viaxeiros de uso xeral por estrada que presten servizos integrados.

A través deste procedemento pode comunicarse tanto a adscrición inicial, como a baixa de persoal acompañante ou as modificacións de dito persoal.

Aos concesionarios do servizo público de transporte regular de viaxeiros de uso xeral por estrada.

Forma de presentación

As comunicacións do procedemento IF321E presentaranse obrigatoriamente por medios electrónicos a través da sede electrónica da Xunta de Galicia, https://sede.xunta.gal.

Se algunha das persoas interesadas obrigadas á presentación electrónica presenta a súa documentación presencialmente, requiriráselle para que a emende mediante a súa presentación por medios electrónicos. Para estes efectos, considerarase como data de presentación da solicitude ou recurso aquela en que fose realizada a emenda.

Para a presentación de documentación relativa ao procedemento IF321E poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

Documentación complementaria

No procedemento IF321E Adscrición de persoal acompañante, as persoas interesadas deberán achegar, xunto co formulario contido no anexo V, segundo sexa o caso, a seguinte documentación:

1. Memoria xustificativa

2. Copias das altas na Seguridade social

3. Certificación negativa do Rexistro Central de Delincuentes Sexuais

4. Documento acreditativo da representación por calquera medio válido en dereito.

5. Outra documentación que considere conveniente

Comprobación de datos

Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas Administracións públicas agás que a persoa interesada se opoña á súa consulta:

1. DNI/NIE da persoa comunicante

2. DNI/NIE da persoa representante

3. NIF da entidade comunicante

No caso de que as persoas interesadas se opoñan a esta consulta, deberán indicalo no recadro correspondente habilitado no formulario correspondente e achegar os documentos.

Cando así o esixa a normativa aplicable solicitarase o consentimento expreso da persoa interesada para realizar a consulta.

Excepcionalmente, no caso de que algunha circunstancia imposibilite a obtención dos citados datos, poderase solicitar ás persoas interesadas a presentación dos documentos correspondentes.

Trámites administrativos posteriores á presentación da solicitude

Todos os trámites administrativos que as persoas interesadas deban realizar trala presentación da solicitude deberán ser efectuados electronicamente accedendo á Carpeta cidadá da persoa interesada dispoñible na sede electrónica da Xunta de Galicia.

Prazo de resolución:

Non procede resolución xa que se trata de comunicacións

Sentido do silencio: Non especificado