Se vostede é transportista particular ou representa unha sociedade de transportes que quere dedicarse ó transporte de estudiantes, alumnos de educación especial ou de productores, dende os seus lugares de residencia ós centros de ensino e fábricas ou centros comerciais e viceversa, dentro do ámbito territorial de Galicia, debe solicitar da Xunta de Galicia a oportuna autorización.

Deberá levar sempre a súa autorización no vehículo, ou copia compulsada desta, xunto co libro de reclamacións no que se farán constar tódalas que se efectúen.

A autorización terá vixencia durante o curso escolar, ou no caso de transporte de productores, durante todo o ano, podendo ser prorrogada cando as condicións obxectivas nas que foi autorizado o servicio non experimentasen variacións.

Para o efecto de coñoce-la prórroga, a Administración valorará o cumprimento dos termos do contrato e mailo grao de satisfacción dos usuarios.

• Solicitude segundo o Anexo I.

• Documento xustificativo de ter aboada a taxa.

• Documentación do(s) vehículo(s): ITV vixente; permiso(s) de circulación do(s) vehículo(s).

• Folla de ruta.

• Plano do itinerario con indicación de puntos de parada.

• Contrato formalizado entre transportista e persoa ou entidade contratante.

• Seguro de responsabilidade civil ilimitada e recibo de pagamento en vigor.

• Outra documentación que poida afectar á solicitude concreta.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos

documentos.

• DNI/NIE da persoa solicitante.

• DNI/NIE da persoa representante.

• NIF da entidade solicitante.

• Inicio
• Solicitude (Anexo I)