As empresas titulares dunha concesión administrativa para a prestación dun determinado servicio público de transporte regular permanente de viaxeiros por estrada poden solicitar, para lograr unha mellor xestión do servizo, a modificación dalgunha das condicións de explotación establecidas no título concesional.

As modificacións poderán consistir en:

- Ampliacións de tráficos mediante a incorporación de anexos ou prolongacións do itinerario concesional.

- Realización de tráficos con itinerarios parciais non previstos.

- Supresión ou segregación de tráficos establecidos no título concesional.

- Substitución total ou parcial do traxecto polo que discorra o itinerario por outro distinto.

- Modificacións de calendario, horario e/ou expedicións.

- Modificacións do número de vehículos, de prazas ou das condicións técnicas e de seguridade destes que deberán estar adscritos á concesión.

Nas modificacións concesionais deberá respectarse o equilibrio económico preexistente.

• Actuacións relativas ás concesións de servizos de transporte regular de viaxeiros de uso xeral por estrada ( 31.01.07)

Pode realizar o pago destas taxas na Oficina Virtual Tributaria.

• Solicitude segundo o Anexo I.

• Documento xustificativo de ter aboada a taxa.

• SE A MODIFICACIÓN NON IMPLICA CAMBIO NOS TRÁFICOS:

  • Memoria xustificativa.

  • Información completa relativa á explotación do servizo (liñas, rutas, calendario e horarios).

  • Plano en soporte cartográfico.

• SE A MODIFICACIÓN IMPLICA CAMBIO NOS TRÁFICOS:

  • Memoria xustificativa, que inclúa os datos de poboación das localidades e da área afectada que se pretenda incluír ou suprimir.

  • Plano en soporte cartográfico.

  • Información completa relativa á explotación do servizo e descrición dos novos percorridos, con indicación dos servizos coincidentes.

  • Modificación prevista no número de usuarios, repercusión económica e tarifaría.

  • Xustificación da dispoñibilidade dos medios materiais necesarios para a explotación.