Orientámolo/a, paso a paso, para presentar unha solicitude no rexistro electrónico
FA009B - Normas de aplicación do imposto sobre o dano ambiental causado por determinados usos e aproveitamentos da auga encorada
Aberto todo o ano Obxecto
A presente orde ten por obxecto establecer o réxime xurídico aplicable ao cumprimento das obrigas tributarias concernentes ao imposto de dano medioambiental causado por determinados usos e aproveitamentos da auga encorada.
A quen vai dirixido?
1. As aplicacións informáticas relacionadas con este imposto deberán ser empregadas polos usuarios que se relacionan a seguir, sempre que sexan previamente autorizados pola Dirección da Atriga:
a) Os suxeitos pasivos que dispoñan do correspondente certificado de usuario outorgado pola Fábrica Nacional de Moeda e Timbre-Real Casa da Moeda (FNMT-RCM) para a presentación e pagamento dos seus propios tributos, ou doutras autoridades certificadoras admitidas pola consellería competente en materia de facenda.
b) As persoas profesionais colexiadas, así como as entidades, as institucións ou organizacións representativas de sectores ou intereses sociais, laborais, empresariais ou profesionais, que subscribisen coa Administración tributaria da Comunidade Autónoma de Galicia o correspondente convenio de colaboración, nos termos acordados neste.
2. Os usuarios anteriores, para poder empregar as aplicacións informáticas deste imposto, deberán estar previamente autorizados. Para estes efectos, deberán presentar ante a Dirección da Atriga unha solicitude de autorización xunto a unha ficha de usuario, axustadas aos modelos que contén o anexo I, con anterioridade ao primeiro prazo en que deban cumprir as obrigas tributarias referidas a este imposto. Outorgarase a autorización a todos aqueles que reúnan as condicións establecidas no número 1.
Requisitos
Os suxeitos pasivos deberán cumprir as obrigas tributarias concernentes ao IDMAE, ás cales se refire esta orde. Para isto deberán empregar as aplicacións informáticas que a Axencia Tributaria de Galicia (Atriga) poña á súa disposición na Oficina Virtual Tributaria (OVT), nas condicións e consonte os procedementos previstos nesta orde.
A onde acudir
Xunta de Galicia
Consellería de Facenda e Administración Pública
Axencia Tributaria de Galicia (ATRIGA)
Rúa Pastoriza, 8
15781 Santiago de Compostela (Coruña, A)
Teléfono: 981544196
Órgano responsable
Axencia Tributaria de Galicia (ATRIGA)
Normativa
Ámbito Autonómico
Orde do 25 de marzo de 2011 pola que se aproban as normas de aplicación do imposto sobre o dano medioambiental causado por determinados usos e aproveitamentos da auga encorada (DOG nº 63 do 30 de marzo de 2011).
Orde do 22 de decembro de 2020 pola que se modifican as ordes de aplicación de impostos propios da Comunidade Autónoma de Galicia e das taxas fiscais sobre o xogo.(DOG nº 6 do 12 de xaneiro de 2021).
Resolución do 24 de novembro de 2021 pola que se modifican os anexos I, II, III, IV e V da Orde do 21 de xuño de 2006 pola que se regulan os procedementos de xestión recadatoria e a actuación das entidades colaboradoras. (DOG nº 233 do 3 de decembro de 2021).
Orde do 16 de decembro de 2021 pola que se modifican diversas normas tributarias (DOG nº 245 do 23 de decembro de 2021).
Prazo
Prazo de presentación: Aberto todo o ano
Prazo de presentación: Aberto todo o ano
As autoliquidacións trimestrais deste tributo deberán ingresarse e presentarse telematicamente nos vinte primeiros días naturais do mes seguinte ao vencemento de cada trimestre natural.
Os suxeitos pasivos deberán cumprir as obrigas tributarias correspondentes a cada trimestre natural, nos vinte primeiros días naturais seguintes á finalización do dito trimestre, de xeito que:
a) No prazo 1, do 1 ao 20 de abril de cada ano, cumpriranse as obrigas tributarias correspondentes ao primeiro trimestre natural do ano.
b) No prazo 2, do 1 ao 20 de xullo de cada ano, cumpriranse as obrigas tributarias correspondentes ao segundo trimestre natural do ano.
c) No prazo 3, do 1 ao 20 de outubro de cada ano, cumpriranse as obrigas tributarias correspondentes ao terceiro trimestre natural do ano.
d) No prazo 4, do 1 ao 20 de xaneiro de cada ano, cumpriranse as obrigas tributarias correspondentes ao último trimestre natural do ano anterior.
Os prazos anteriores entenderanse prorrogados ata o primeiro día hábil seguinte, no suposto de que o último día do período fose día inhábil ou sábado.
Documentación para a presentación
Modelos en formato electrónico que figuran nos anexos II e III e que se relacionan a seguir, para os efectos da aplicación do IDMAE:
Modelo 010.-Modelo de declaración de alta/modificación, que constará de dous exemplares, un para a administración e outro para o interesado. Os suxeitos pasivos deberán, con carácter xeral,no prazo de presentación da primeira autoliquidación e previamente a esta, presentar telematicamente ante a Atriga unha declaración inicial dos datos do aproveitamento consignados no modelo 010.
Modelo 011.-Modelo de autoliquidación do imposto sobre o dano medioambiental causado por determinados usos e aproveitamentos da auga encorada. Os suxeitos pasivos deberán ingresar e presentar telematicamente ante Atriga da o modelo 011, no que practicarán a autoliquidación do imposto e determinarán a débeda tributaria correspondente a cada período impositivo, nos vinte primeiros días naturais seguintes á finalización deste.
Procedementos e servizos relacionados
Aberto todo o ano