Orientámolo/a, paso a paso, para presentar unha solicitude no rexistro electrónico
DE400F - Axudas DGAN-TAXAGAN.
Convocatoria 2024
Prazo pechado: 29/11/2024 00:00 - 13/12/2024 23:59
Prazo pechado: 29/11/2024 00:00 - 13/12/2024 23:59Obxecto
Establecer as bases reguladoras da concesión de axudas destinadas a apoiar ás persoas deportistas, técnicas, adestradoras, xuices e árbitros galegas que acrediten os requisitos administrativos e deportivos que se desenvolven nas presentes bases.
A quen vai dirixido?
Poderán ser persoas beneficiarias desta convocatoria as persoas deportistas, técnicas, adestradoras, xuices e árbitros galegas que cumpran os seguintes requisitos:
◦ Ter acadado o recoñecemento pola Secretaría Xeral para o Deporte, como persoa deportista, técnica, adestradora, xuíz ou árbitro galega de Alto Nivel, nos anos 2023 ou 2024.
◦ Ter solicitado o recoñecemento de Alto Nivel á Secretaría Xeral para o Deporte, previamente ao remate do prazo de solicitudes da presente convocatoria e acadado unha posterior resolución positiva.
◦ A única excepción aos dous puntos anteriores será a de “deportistas de apoio/deportistas guías” solicitantes que se ben non teñen acceso ao recoñecemento galego de Alto Nivel, sí exerzan como tales con algunha persoa deportista de modalidade paralímpica ou de deporte adaptado que sí teña en vigor o recoñecemento de Alto Nivel nalgún dos dous casos anteriores. Nese caso, á persoa “deportista de apoio/deportista guía” solicitante, deberá:
▪ Ter veciñanza administrativa actualmente en Galicia ou tela tido durante a súa etapa de formación deportiva nun club deportivo galego e ademais reunir un dos seguintes requisitos:
• Ter nado en Galicia.
• Ter unha vinculación familiar ata o segundo grao de cosanguineidade en Galicia.
◦ Acreditar o nivel deportivo esixido na modalidade/especialidade practicada conforme o apartado 6.3.1. ou acadar a puntuación necesaria na aplicación do baremo establecido no punto 6.3.2. destas bases, no caso de que se lle aplique.
◦ Non estar cumprindo sanción disciplinaria ou administrativa en materia deportiva de carácter grave ou moi grave.
No caso de todos os tipos de Axuda, a persoa solicitante deberá cumprir cos criterios específicos estipulados no apartado 6.2.Tipos de axudas, criterios de valoración e regras comúns a todas elas.
Non poderán obter a condición de persoa bene¥iciaria aquelas persoas solicitantes:
• Que xa tiveran resolta favorablemente unha Axuda Galicia-París 2024 ao longo do presente ano 2024 (coa única excepción xa detallada no apartado 1. Introducción).
• Nas que concorra algunha das circunstancias previstas no artigo 10.2 da Lei 9/2007, do 13 de xuño, de subvencións de Galicia.
A onde acudir
Xunta de Galicia
Consellería de Presidencia, Xustiza e Deportes
Fundación Deporte Galego
Rúa Madrid, nº 2-4, 2ª planta - Fontiñas
15781 Santiago de Compostela (Coruña, A)
Teléfono: 881996373
Email: fundaciondeportegalego.pr@xunta.gal
Órgano responsable
Fundación Deporte Galego
Normativa
Ámbito Autonómico
Bases da convocatoria de axudas a persoas deportistas, técnicas, adestradoras, xuíces e árbitros galegas de alto nivel “axudas DGAN e TAXAGAN”.
Anuncio da convocatoria de axudas a persoas deportistas, técnicas, adestradoras, xuízas e árbitras galegas de alto nivel (axudas DGAN-TAXAGAN) (DOG nº 230 do 28 de novembro de 2024).
Prazo
Prazo de presentación: PECHADO
29/11/2024 00:00 - 13/12/2024 23:59
O prazo de presentación de solicitudes será de 10 días hábiles contados desde o día seguinte ao da publicación do anuncio da convocatoria no Diario Oficial de Galicia. Se o último día de prazo é inhábil, entenderase prorrogado ao primeiro día hábil seguinte. Se no mes de vencemento non houber día equivalente a aquel en que comeza o cómputo, entenderase que o prazo expira o derradeiro día do mes.
Documentación para a presentación
Solicitudes .
As persoas solicitantes interesadas presentarán a solicitude (Anexo I) preferentemente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal.
Para a presentación das solicitudes de forma electrónica poderá empregarse calquera dos mecanismos de identi¥icación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
Opcionalmente, as solicitudes poderanse presentar presencialmente en calquera dos lugares e rexistros establecidos na normativa reguladora do procedemento administrativo común das administracións públicas ou no propio rexistro da Fundación Deporte Galego (R/ Madrid, 2-4, 2º (Fontiñas) – 15781 Santiago de Compostela), cuxo horario de rexistro aos efectos de presentación das solicitudes referidas ás presentes bases será de 9:00 a 14:00 horas.
Documentación complementaria .
As persoas interesadas deberán achegar coa solicitude a seguinte documentación:
Anexo II. Autorización de representación. Unicamente nos casos nos que a persoa solicitante outorgue facultades de representación a outra persoa inicialmente allea á solicitude.
Documento acreditativo da patria potestade ou tutela (copia do libro de familia ou calquera outro documento que o acredite). Unicamente no caso de persoas solicitantes menores de idade e xunto co anterior Anexo II. Autorización de representación.
Anexo III. Formulario de mellores resultados deportivos acadados en 2023. Os mellores resultados deportivos deben facer referencia únicamente ao período temporal comprendido entre o 1 de xaneiro e o 31 de decembro de 2023.
A documentación complementaria presentarase preferiblemente por vía electrónica. Opcionalmente, as persoas interesadas tamén poderán presentar a documentación complementaria presencialmente nos lugares indicados no apartado 5.1 das bases.
As persoas interesadas responsabilizaranse da veracidade dos documentos que presenten. Excepcionalmente, cando a relevancia do documento no procedemento o exixa ou existan dúbidas derivadas da calidade da copia, a Administración poderá solicitar de maneira motivada o cotexo das copias achegadas pola persoa interesada, para o que poderán requirir a exhibición do documento ou da información orixinal.
Sempre que se realice a presentación de documentos separadamente da solicitude, deberase indicar o código de procedemento DE400F e o órgano responsable do procedemento (FUNDACIÓN DEPORTE GALEGO), o número de rexistro de entrada da solicitude e o número de expediente se se dispón del.
Comprobación de datos.
Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas Administracións públicas, agás que a persoa interesada se opoña á súa consulta:
DNI/NIE da persoa solicitante.
DNI/NIE da persoa representante.
Certificación de estar ao día do pagamento coa Seguridade Social.
Certificado de estar ao día do pagamento de obrigas tributarias coa AEAT.
Certificación de estar ao día no pagamento das débedas coa Administración pública da comunidade autónoma.
No caso de que as persoas interesadas se opoñan a esta consulta, deberán indicalo no cadro correspondente habilitado no formulario correspondente e achegar os documentos.
Cando así o esixa a normativa aplicable solicitarase o consentimento expreso da persoa interesada para realizar a consulta.
Excepcionalmente, no caso de que algunha circunstancia imposibilitase a obtención dos citados datos, poderase solicitar ás persoas interesadas a presentación dos documentos correspondentes.
Trámites posteriores á presentación de solicitudes .
A sede electrónica da Xunta de Galicia permite as persoas interesadas realizar trámites electrónicos, con posterioridade ao inicio do expediente, accedendo á Carpeta cidadá da persoa interesada. Opcionalmente, tamén poderán tramitarse presencialmente na forma e nos lugares indicados no apartado 5.1 das bases.
Resolución
Prazo de resolución:
A resolución de concesión finalizará en calquera caso, o 31 de marzo de 2025.
Sentido do silencio:
Negativo
Procedementos e servizos relacionados
05/06/2024 00:00 - 04/07/2024 23:59 DE400A
Bolsas para persoas colaboradoras na residencia do Centro Galego de Tecnificación Deportiva.
30/09/2019 00:00 - 04/10/2019 23:59 DE400B
Plan de patrocinio publicitario dos equipos de alta competición profesional de Galicia 2019.
16/06/2023 00:00 - 22/06/2023 23:59 DE400C
Plan de patrocinio dos equipos de alta competición femininos de 1º e 2º máximo nivel estatal de Galicia.
01/08/2023 00:00 - 14/08/2023 23:59 DE400D
Axudas a persoas técnicas/adestradoras e xuíces /árbitros de alto nivel 2023.
11/05/2024 00:00 - 30/09/2024 23:59 DE400E
Axudas Galicia Paris 2024.
10/08/2023 00:00 - 11/09/2023 23:59 DE401C
Subvencións a concellos para a construcción, reforma, reparación, adecuación ou mellora de instalacións deportivas de titularidade municipal e para a adquisición de material deportivo inventariable.