Orientámolo/a, paso a paso, para presentar unha solicitude no rexistro electrónico
BS628C - Modificación da inscrición no rexistro único de entidades prestadoras de servizos sociais (RUEPSS)
Aberto todo o ano Obxecto
Tramitar a toma de constancia e actualizar os datos obrantes no Rexistro único de Entidades Prestadoras de Servizos Sociais respecto a unha entidade inscrita.
A quen vai dirixido?
Titulares ou representantes legais de entidades inscritas no Rexistro único de Entidades Prestadoras de Servizos Sociais da Xunta de Galicia.
Requisitos
Modificación dos datos referidos a:
a) A denominación da entidade e/ou dos centros e programas autorizados dos que a entidade sexa titular.
b) O enderezo social da entidade.
c) O obxecto social da entidade.
d) Os datos identificativos dos/as representante/s legais da entidade e/ou dos/as seus administradores/as.
e) O cambio de titularidade dos centros ou programas que a entidade teña autorizados.
f) O cambio de entidade xestora dos centros ou programas que a entidade titular teña autorizados.
2. Non obstante, a modificación dos datos inscritos da entidade realizarase de oficio cando se refira:
a) Aos datos das entidades locais inscritas como entidades prestadoras de servizos sociais, e a modificación a levar a cabo consista no cambio do/a representante legal da entidade como resultado dun proceso electoral.
b) Aos datos inscritos das entidades públicas ou privadas inscritas como entidades prestadoras de servizos sociais, e a modificación a levar a cabo se refira á súa denominación, enderezo social, obxecto social ou aos datos identificativos dos/as representantes legais ou administradores/as da entidade, sempre que modificación sexa comunicada por outro rexistro oficial.
A onde acudir
Xunta de Galicia
Consellería de Política Social e Igualdade
Secretaría Xeral Técnica da Consellería de Política Social e Igualdade
Subdirección Xeral de Autorización e Inspección de Servizos Sociais
Edificio administrativo San Caetano, s/n
15781 Santiago de Compostela (Coruña, A)
Teléfono: 981957696
Fax: 981957697
Email: inspección.ssociais@xunta.es
Xunta de Galicia
Consellería de Política Social e Igualdade
Departamento Territorial da Consellería de Política Social e Igualdade da Coruña
Avda. Salvador de Madariaga, 9-1º
15008 Coruña, A (Coruña, A)
Teléfono: 981185771
Fax: 981185701
Xunta de Galicia
Consellería de Política Social e Igualdade
Departamento Territorial da Consellería de Política Social e Igualdade de Lugo
Ronda da Muralla, 70
27071 Lugo (Lugo)
Teléfono: 982294289
Fax: 982294359
Xunta de Galicia
Consellería de Política Social e Igualdade
Departamento Territorial da Consellería de Política Social e Igualdade de Ourense
Avda. de la Habana, 79
32004 Ourense (Ourense)
Teléfono: 988386196
Fax: 988386838
Xunta de Galicia
Consellería de Política Social e Igualdade
Departamento Territorial da Consellería de Política Social e Igualdade de Vigo
R/ Concepción Arenal, 8
36201 Vigo (Pontevedra)
Teléfono: 986817217
Fax: 986817637
Órgano responsable
Subdirección Xeral de Autorización e Inspección de Servizos Sociais
Normativa
Ámbito Autonómico
Lei 13/2008, do 3 de decembro, de servizos sociais de Galicia (DOG nº 245 do 18 de decembro de 2008).
Decreto 254/2011, do 23 de decembro, polo que se regula o réxime de rexistro, autorización, acreditación e a inspección de Servizos Sociais de Galicia (DOG nº 14 do 20 de xaneiro de 2012).
Prazo
Prazo de presentación: Aberto todo o ano
Con carácter previo á modificación ou no prazo máximo de 30 días desde a súa efectiva realización.
Documentación para a presentación
-
Solicitude Anexo I.
-
No caso de representación, documento acreditativo desta por calquera medio válido en dereito.
MODIFICACIÓN DE DATOS
-
Documentación que acredite a modificación producida.
CAMBIO DE TITULARIDADE DE CENTROS/PROGRAMAS AUTORIZADOS
-
Copia do documento público que acredite o cambio de titularidade do centro ou programa do que se trate. Neste documento farase constar a capacidade e/ou representación das partes, a data exacta na que se vai facer efectivo o cambio de titular, recollendo unha mención expresa ao dereito polo que se dispón do inmoble e a asunción por cada unha das partes das posibles responsabilidades e sancións que poidan derivarse da xestión do centro ou programa.
-
No caso de que o cambio de titularidade conste en documento privado, acta notarial ou ben testemuña notarial sobre o mesmo con lexitimación das sinaturas que nel constan.
-
Compromiso do/da representante da nova entidade sobre o mantemento das condicións do servizo ás persoas usuarias que o contrataron con anterioridade ao cambio de titularidade, ou ben do acordo subscrito con todas elas sobre a súa alteración.
-
Novas normas de funcionamento para proceder ao seu visado.
-
Relación do persoal asignado ao servizo.
-
Copia das pólizas de seguros obrigatorias a nome da nova entidade.
-
Copia dos permisos ou licenzas que foran exixibles, ou xustificante de telos solicitados.
CAMBIO DE ENTIDADE XESTORA DE CENTROS/PROGRAMAS AUTORIZADOS
-
Copia do contrato de xestión no que se indique a data de inicio e a súa duración.
-
De ser o caso, novas normas de funcionamento para proceder ao seu visado, a relación do persoal asignado ao servizo e a copia das pólizas de seguros obrigatorias
COMPROBACIÓN DE DATOS
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente e achegar unha copia dos documentos.
-
DNI/NIE da persoa solicitante
-
DNI/NIE da persoa representante
-
NIF da entidade solicitante
-
NIF da entidade representante
Resolución
Prazo de resolución: 3 meses
Sentido do silencio: NEGATIVO
Procedementos e servizos relacionados
19/09/2023 00:00 - 18/10/2023 23:59 BS623C
Subvencións a entidades locais para programas de emerxencia social e inclusión social da poboación xitana, inmigrante e outras persoas en risco de exclusión, cofinanciada pola Unión Europea no marco do Programa FSE+ Galicia 2021-2027.
19/07/2023 00:00 - 18/08/2023 23:59 BS623D
Subvencións destinadas á realización de programas de interese xeral para fins de carácter social, con cargo á asignación tributaria do 0,7% do IRPF e do imposto de sociedades
