O desenvolvemento da Lei 9/2010, do 4 de novembro, de augas de Galicia, nas materias seguintes:

a) A regulación das condicións en que as entidades locais poderán solicitar de Augas de Galicia a asunción da prestación dos servizos que leven a cabo en materia de depuración de augas residuais urbanas.

b) A regulación do réxime de asunción por parte de Augas de Galicia das funcións de xestión e explotación das infraestruturas de adución e depuración, nos supostos excepcionais previstos no artigo 27.6 da Lei 9/2010.

Entidades locais

Quedan excluídas do presente decreto as actuacións en materia de obras hidráulicas no ámbito da Comunidade Autónoma de Galicia que sexan declaradas de interese xeral do Estado.

O ámbito de aplicación do presente decreto é o territorio da Comunidade Autónoma de Galicia.

• Solicitude segundo o anexo II.

• Certificación do acordo plenario da solicitude da asunción da explotación de instalacións de depuración de augas residuais urbanas.

• Certificación da aprobación e entrada en vigor da Ordenanza ou Regulamento do servizo de saneamento que contén as previsións técnicas suficientes para que as verteduras á rede de sumidoiro cheguen á estación depuradora en condicións axeitadas en función da súa capacidade de tratamento.

• Documentación técnica descritiva das instalacións cuxa xestión se pretende traspasar e as súas características, xunto con analíticas da auga bruta e do efluente tratado, así como a documentación administrativa correspondente e contratos de subministracións.

• Documentación técnica descritiva da rede de saneamento á que dá servizo a instalación obxecto da solicitude.

• Compromiso de mantemento da explotación da rede.

• Acreditación de permiso municipal de vertedura ás instalacións municipais.

• Contrato de explotación e follas de prescrición do concello co explotador das instalacións e certificación da intervención municipal sobre os pagamentos correspondentes.

• Informe económico-financeiro sobre o servizo, elaborado pola súa intervención municipal.

• Concesión de ocupación do dominio público marítimo-terrestre, ou solicitude presentada perante a Administración do Estado.

• Autorización de vertedura outorgada polo Organismo de conca competente ou solicitude presentada perante tal organismo.

• En todo caso, documentación técnica e administrativa detallada no anexo III do Decreto 59/2013, do 14 de marzo.

• No seu caso, se procede, documentación técnica e administrativa recollida nos Anexos IV e V.

• Outra documentación